İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 795 Hüküm no: 1078 Orijinal metin no: [110a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi’nin arsasını Ümmühân bt. Murad’a sattığı Mahmiye-i İstanbul’da Edirnekapısı dâhilinde el-Hâc Muhyiddin mahallesinde sâkin İbrahim Çelebi b. Ömer nâm kimesne mahfil-i kazâda, yine mahalle-i mezbûre sâkinelerinden bâ‘isetü’l-vesîka Ümmühânî bt. Murad nâm hâtun tarafından ikrâr-ı âti’z-zikri tasdîke nâibü’l-vekâle vekîli olan el-Hâc Ömer Çelebi b. Osman mahzarında ikrâr ve takrîr-i kelâm edip silk-i mülk-i sahîhimde münselik olup mahalle-i mezbûrede vâki‘ bir tarafı Murad Beşe mülkü ve bir tarafı merhûm İskender Çavuş vakfı ve bir tarafı Todori nâm zimmî mülkü ve bir tarafı tarîk-i âm ile mahdûd mülk arsa-i hâliyemi, ciderân-ı erba‘asıyla bi cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık müvekkile-i mezbûre Ümmühânî Hâtun’a on dört bin nakid râyic fi’l-vakt akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ve teslîm ol dahi iştirâ ve kabûl ve kabz ve tesellüm eyledikden sonra semeni olan meblağ-ı mezbûr on dört bin akçeyi vekîl-i mezbûr el-Hâc Ömer Çelebi yedinden tamânen ahz u kabz eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min Cemâziyelevvel li sene erba‘a ve seb‘în ve elf. Şuhûdü’l-hâl: Ahmed Efendi b. Abdülkādir el-İmâm, Şükrullah Çelebi b. Osman, Receb Çelebi b. Abdullah, Mustafa Çelebi b. Ali, Ramazan Beşe ve gayruhüm.