İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 805 Hüküm no: 1094 Orijinal metin no: [112a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Abdullah’ın Durmuş b. Hasan’a olan borcuna Fâtıma bt. Yusuf’un kefil olduğu Mahmiye-i İstanbul’da Kâtib Muslihiddin mahallesi sâkinelerinden Ayşe bt. Abdullah nâm hâtun meclis-i şer‘de işbu bâ‘isü’l-kitâb Durmuş b. Hasan nâm kimesne mahzarında bi tav‘ihâ ikrâr ve takrîr-i kelâm edip mezbûr Durmuş yedinde adedi beynimizde ilm-i şer‘î ile ma‘lûme emti‘a-i mütenevvi‘a semeninden altı bin altı yüz on akçe zimmetimde deynim olup hâlâ edâya iktidârım olmayıp te’cîle tâlib olduğumda, ol dahi târih-i kitâbdan yüz yirmi gün tamânında edâ eylemek üzre te’cîl edip ben dahi ecel-i mezbûru kabûl eyledim dedikde gıbbe’t-tasdîk Fâtıma bt. Yusuf nâm hâtun meblağ-ı mezbûr elli bin altı yüz on akçeye tarafeynden emr ve kabûlü hâvî kefâlet-i sahîha-i şer‘iyye ile kefîl oldum dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis min şehri Cemâziyelevvel li sene erba‘a ve seb‘în ve elf.. Şuhûdü’l-hâl: Mustafa Çelebi b. Ahmed, el-Hâc Ahmed b. Mahmud, Abdi Çelebi b. Hüseyin ve gayruhüm.