İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 829 Hüküm no: 1134 Orijinal metin no: [117a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Abdullah’ın cariyesi Gülistan’ı vasiyet yoluyla (tedbîren) azat ettiği Mahmiye-i İstanbul’da Cafer Subaşı mahallesi sâkinelerinden Emine bt. Abdullah nâm hâtun tarafından tedbîr-i âti’z-zikri ikrâra mahalle-i mezbûre ahâlîsinden olup zât-ı mezbûreyi ma‘rifet-i şer‘iyye ile ârifân olan Mustafa Efendi b. Mehmed ve Mustafa b. Mahmud nâm kimesneler şehâdetleriyle şer‘an vekâleti sâbite olan Mustafa Çelebi b. Hüseyin meclis-i şer‘-i hatîr-i lâzımü’t-tevkīrde ikrâr ve takrîr-i kelâm edip müvekkilem mezbûre Emine Hâtun kendiye rıkkıyyetini mu‘terife olan uzun boylu kara kaşlı gök elâ gözlü Macariyyetü’l-asl işbu bâ‘isetü’l-kitâb Gülistan bt. Abdullah nâm câriye-i memlûkesini tedbîr-i mutlak ile müdebbere edip bi irâdetillâhi te‘âlâ kazâ nahb eylediğimde mezbûr Gülistan sülüs malımdan âzâd olsun dedi dedikde mâ vaka‘a bi’t-taleb ketb olundu. Fi’l-yevmi’s-sânî aşer min Cemâziyelevvel li sene erba‘a ve seb‘în ve elf. Şuhûdü’l-hâl: Mehmed b. Ali Beşe, Mehmed Çelebi b. Hasan, Abdi Çelebi b. Hüseyin, Şükrullah Bey b. Mustafa ve gayruhüm.