İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 829 Hüküm no: 1133 Orijinal metin no: [116b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Belgradlı Katko bt. Ahmed’in ölen kocası Ahmed Ağa’daki mehrini terekesinden aldığı Fi’l-asl vilâyet-i Rumeli’de medîne-i Belgrad sâkinelerinden olup hâlâ mahmiye-i İstanbul’da Ali Paşa-yı Atîk mahallesinde sâkine olan Katko bt. Ahmed nâm hâtun meclis-i şer‘-i hatîr-i lâzımü’t-tevkīrde tarîk-i hâcc-ı şerîfde bundan akdem takdîr-i Yezdân ile vedâ‘-ı âlem-i fânî eden zevci Na‘tîzâde Ahmed Ağa nâm kimesnenin terekesine vâzı‘u’l-yed olan Fazlullah Efendi mahzarında ikrâr ve i‘tirâf [edip], zevcim müteveffâ-yı merkūm Ahmed Ağa’nın zimmetinde mütekarrir olan beş bin akçe mehr-i müeccelim[i] mezbûr Fazlullah Efendi yedinden alıp kabz eyledim dedikde gıbbe’t-tasdîki’l-vicâhî mâ vaka‘a bi’t-taleb ketb olundu. Fi’l-yevmi’t-tâsi‘ min Cemâziyelevvel li sene erba‘a ve seb‘în ve elf. Şuhûdü’l-hâl: Hacı Ahmed b. Mahmud, Şükrullah Bey b. Mustafa, Abdi Çelebi b. Hüseyin, Mehmed b. Ramazan ve gayruhüm.