İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 834 Hüküm no: 1143 Orijinal metin no: [118a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ünzile bt. Mehmed’in Yusuf b. Abdülkerim’den boşandığı Mahmiye-i İstanbul’da Gül câmi‘-i şerîfi mahallesinde sâkine Ünzile bt. Mehmed nâm hâtun meclis-i şer‘-i hatîr-i lâzımü’t-tevkīrde zevci işbu bâ‘isü’l-kitâb Yusuf b. Abdülkerim mahzarında ikrâr ve takrîr-i kelâm edip zevcim mezbûr Yusuf zimmetinde mütekarrir ve ma‘kūdun-aleyh olan üç yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Yusuf ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allik âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’l-âşir min Cemâziyelevvel li sene erba‘a ve seb‘în ve elf. Şuhûdü’l-hâl: Hüseyin Çelebi b. Abdullah, Sâlih b. Mehmed, Abdi Çelebi b. Hüseyin, Veli b. Mahmud ve gayruhüm. Yine mezbûrun zevcesi olan Rahime bt. Mehmed nâm hâtun dahi beş yüz akçe mehr-i müeccel ve nafaka-i iddet üzerine muhâla‘a olduğu kayd şüd.