İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 860 Hüküm no: 1179 Orijinal metin no: [123b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râbia bt. Mahmud’un Hasan b. Musa’dan muhâlaa yoluyla boşandığı Mahmiye-i İstanbul’da Mesih Paşa mahallesinde sâkine Râbia bt. Mahmud nâm hâtun meclis-i şer‘-i hatîr-i lâzımü’t-tevkīrde işbu bâ‘isü’l-kitâb zevci Hasan b. Musa mahzarında ikrâr ve takrîr-i kelâm edip zevcim mezbûr Hasan zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Hasan ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-ışrîn min Cemâziyelevvel li sene erba‘a ve seb‘în ve elf. Şuhûdü’l-hâl: Ali Çelebi b. Muharrem, Baba Resûl b. Rıdvan, Mehmed b. Ramazan, Seydî Çelebi b. Hüseyin, Yusuf b. Musa ve gayruhüm.