Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 98 Hüküm no: 89 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nakder v. Ekide’nin kereste alış-verişinden kalan borcunu ödemesi Hadîka-i hâssa bostancılarından işbu bâ‘is-i hâze’l-[kitâb] Salih Bey b. Derviş nâm bostanî meclis-i şer‘-i hatîrde sefîne reislerinden Nakder v. Ekide nâm zimmî muvâcehesinde üzerine da‘vâ edip mezbûr Nakder reise vilâyet-i Rumeli’nde Faros? iskelesinde beynimizde ma‘lûm otuz bin iki yüz yetmiş akçelik kereste bey‘ ve teslîm ol dahi iştirâ ve tesellüm eylemişdir. Hâlâ meblağ-ı mezbûrdan altı bin akçesin benden ahz u kabz etmişdi, bâkī zimmetinde yirmi dört [bin] iki yüz yetmiş akçe hakkım vardır, suâl olunup alıverilmesi matlûbumdur dedikde, gıbbe’s-suâl mezbûr Nakder cevâbında fi’l-vâki‘vech-i muharrer üzere Faros? iskelesinde müdde‘î-i mezbûr Salih Bey şerîki gāib ani’l-meclis Ali Bey nâm kimesneden beynimizde ma‘lûm otuz bin iki yüz yetmiş akçe kereste aldı, meblağ-ı mezbûrdan altı bin akçesini edâ ve teslîm eyleyip bâkī zimmetimde yirmi dört bin iki yüz akçe vardır, ikrâr u i‘tirâf etmeğin meblağ-ı mezbûr müdde‘î-i mezbûr Salih Bey mezbûr Nakder’e tenbîh, mâ-vaka‘a kayd şüd. Fî-5 Şevvâl sene 1063.