İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 912 Hüküm no: 1246 Orijinal metin no: [136a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şeyh Ebülvefa vakfından bir oda menzile tasarruf eden Hasan Beşe’nin odanın yarısını kızı Ayşe Hâtun’a verdiği Dârü’l-hilâfeti’l-aliyye Kostantıniyye el-mahmiyye’de vâki‘ Hazret-i Şeyh Ebülvefâ -kaddese sırrahü’l-evfâ- evkāfı mülhakātından olup merhûm Pojaya nâm sâhibü’l-hayrın vakf ve süknâsını sulehâ ve sulehâta şart ve ta‘yîn eylediği ma‘lûmü’l-hudûd odaya tevcîh-i hâkimü’ş-şer‘le ber mûceb-i şart-ı vâkıf mutasarrıf olan sulehâdan Hasan Beşe nâm kimesne zikr olunan odanın Mahmud Çavuş tarafından olan nısfının hakk-ı tasarrufuna hüsn-i ihtiyârıyla sulbiye kızı olup sâlihâtdan meskene eşedd-i ihtiyâc ile muhtâce olan Ayşe nâm hâtuna meclis-i şer‘de ferâğ etmeğin savb-ı şer‘-i hatîrden dahi tevcîh olunup tasarrufiyçün işbu vesîka ketb olundu. Fi’l-yevmi’l-hâmis aşer min Cemâziyelâhir sene erba‘a ve seb‘în ve elf. Şuhûdü’l-hâl: El-Hâc Ahmed b. Mahmud, Abdi Çelebi b. Hüseyin, Şükrullah Bey b. Mustafa, Veli b. Mahmud ve gayruhüm.