İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 918 Hüküm no: 1257 Orijinal metin no: [137a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Kostantin’in, Yani v. Yorgi aleyhindeki alacak iddiasını ispat edemediği Mahmiye-i İstanbul mahallâtından Samadya mahallesi sâkinlerinden Nikola v. Kostantin nâm zimmî işbu râfi‘ü’l-kitâb Yani v. Yorgi nâm zimmî muvâcehesinde üzerine da‘vâ ve takrîr-i kelâm edip mezbûr Yani zimmetinde hamr nemâsından bin yüz yetmiş akçe hakkım olup hâlâ suâl olunup alıverilmesin taleb ederim dedikde gıbbe’s-suâl ve akībe’l-inkâr, müdde‘î-i merkūmdan da‘vâsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin mezbûr Yani müdde‘î-i mesfûrun hamr bahâsından zimmetinde bir akçe ve bir habbe hakkı olmadığına yemîn billâhi’llezî enzele’l-İncîle alâ İsâ -aleyhi’s-selâm- etmeğin mâ vaka‘a bi’t-taleb ketb olundu. Fi’l-yevmi’t-tâsi‘ min şehri Şevvâli’l-mükerrem li sene seb‘a ve ışrîn ve elf. Şuhûdü’l-hâl: Hasan b. Ahmed, Cafer b. Abdullah, Murad b. Mehmed, Mustafa b. Hamza.