İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 919 Hüküm no: 1259 Orijinal metin no: [137b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin, Seyyid Mustafa, Seyyid Ali ve Fâtıma adlı küçüklere nafaka takdir etmesi ve amcalarına borçlanmaya izin vermesi İşbu hüccet-i şer‘iyyenin üzerinde imzâsı bulunan hâkim, bundan akdem mahmiye-i Kostantıniyye mahallâtından Davud Paşa mahallesinde vefât eden merhûm Seyyid Mehmed Çavuş’un, Seyyid Mustafa, Seyyid Ali ve Fâtıma nâm sagīr evlâdının nafakası, kisvesi ve sâir havâic-i zarûriyyesi için, babalarından irs-i şer‘le kendilerine intikāl etmiş bulunan mahmiye-i Kostantıniyye çarşılarından Davud Paşa çarşısında vâki‘ kasap dükkânı kirâsından ve yine Davud Paşa mahallesinde vâki‘ bostan kirâsından ve beytülmâlden şehîr emîninin kesbden âciz olanlara verdiği atiyye-i mukaddere ve mukarrereden hâsıl olacak meblağdan alınmak üzre himâye ve hidânesi altında bulundukları Seyyid Hasan b. Seyyid Mustafa nâm amcaları ve velîlerinin talebiyle zeyilde mastûr târihden i‘tibâren her birine yevmî râyicü’l-vakt dört akçe farz ve takdîr etti. Hâkim-i müşârün-ileyh ayrıca kirâlardan ve atiyyeden hâsıl olacak meblağ-ı mezbûru sagīrin-i merkūmînin havâic-i lâzımesine sarf etmesine ve vakt-i hâcette istidâne edip vakte’z-zafer rücû‘ etmesine mezbûr Seyyid Hasan’a izin verdi. Cerâ zâlike ve hurrire fî yevmi’l-hâmis min şehri Ramazan el-mübârek sene seb‘a ve ışrîn ve elf. Şuhûdü’l-hâl: Mustafa b. Abdullah Yedekçibaşı, Mehmed b. Abdullah el-İmâm be câmi‘i Ali Paşa, İbrahim b. Hüseyin Kâtib-i Dîvân-ı Hümâyûn, Mehmed b. Hüseyin er-Râcil, Seyyid İsâ [b.] Seyyid Mehmed, Osman b. Mustafa el-Müezzin, Mehmed b. Ahmed el-Müezzin ve gayruhüm