İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 922 Hüküm no: 1265 Orijinal metin no: [138a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çelebi b. Mehmed’in, vefat eden kayınpederi Mehmed Çelebi yerine vakıf menzilde oturmasına izin verildiği Sulehâ-i ulemâdan fahrü’l-mülâzımîn Ahmed Çelebi b. Mahmud meclis-i şer‘-i şerîfe gelip mahmiye-i İstanbul’da Mahmud Paşa câmi‘-i şerîfi kurbunda vâki‘ iki bâb odayı ve bir kenîfi ve muhavvatayı muhtevî ve iki tarafı Mehmed Ağa mülküne ve iki cânibi tarîk-i âma müntehî olup süknâsı sulehâya meşrûta olan vakıf menzilde sulehâdan kayınatam Mehmed Çelebi nâm kimesne nice yıllar sâkin olup ve biz dahi dâmâdı oldukdan sonra ehl ü evlâdım ve mezbûr Mehmed Çelebi ile ma‘an on yıl mikdârı sâkin iken, hâlâ kayınatam merkūm Mehmed Çelebi merhûm olmağın yine kemâ-kân şart-ı vâkıf üzre tasarrufuma cânib-i şer‘-i şerîfden dahi izin verilmesi matlûbumdur dedikde min ba‘d dahi kemâ-kân şart-ı vâkıf üzre tasarrufuna cânib-i şer‘-i şerîfden izin verildi ki kimesne mâni‘ ve müzâhim olmaya. Tahrîren fi’l-yevmi’t-tâsi‘ aşer min Şevvâli’l-mükerrem li sene seb‘a ve ışrîn ve elf. Şuhûdü’l-hâl: Fahrü’l-müderrisîn Mahmud Efendi b. Abdülgaffâr, Mahmud Çelebi b. el-Hâc Hüseyin, İbrahim Çelebi b. Hüseyin Bey, Fayik b. Abdullah? ve gayruhüm.