İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 935 Hüküm no: 1269 Orijinal metin no: [141b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed bt. Emine’nin kocası Mahmud b. Sâlih’den muhâlaa yoluyla boşandığı Mahmiye-i İstanbul’da Üsküplü mahallesinde sâkine Emine bt. Mehmed nâm hâtun mahfil-i kazâda zevci işbu bâ‘isü’l-kitâb Sâlih b. Mahmud mahzarında ikrâr ve takrîr-i kelâm edip zevcim mezbûr Sâlih zimmetinde mütekarrir ve ma‘kūdun-aleyh olan altı yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre merkūm Sâlih ile muhâla‘a-i sahîha-i şer‘iyye ile muhâla‘a edip ol dahi hul‘-ı [mezbûru] kabûl eyledikden sonra zevciyyete müte‘allika âmme-i de‘âvîden her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ aşer min Cemâziyelâhir sene 1074. Şuhûdü’l-hâl: Hasan b. Mustafa, Mehmed b. Ramazan, Şükür b. Mustafa, Abdi b. Çelebi b. Receb ve gayruhüm.