İstanbul Mahkemesi 12 Numaralı Sicil (H. 1073-1074/M. 1663-1664) cilt: 16, sayfa: 947 Hüküm no: 1291 Orijinal metin no: [144b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hanife bt. İshak’ın evini el-Hâc Şaban b. Bekir’e sattığı Mahmiye-i İstanbul’da Mismârî Şucâ‘ mahallesinde sâkine Hanîfe bt. İshak nâm hâtun meclis-i şer‘-i hatîrde işbu râfi‘ü’l-kitâb el-Hâc Şaban b. Bekir mahzarında ikrâr ve takrîr-i kelâm edip mahalle-i mezbûrede vâki‘ etrâf-ı erba‘ası Kasım Çavuş ve kantarî Halil ve Çengî Belkıs menzilleri ve tarîk-i âma müntehî olup iki bâb tahtânî oda ve iki su kuyusu ve cüneyneyi müştemil mülk menzilimi, otuz bir bin fıddî râyic fi’l-vakt akçeye mezkûr el-Hâc Şaban’a bey‘-i bâtt-ı sahîh-i şer‘î ile bey‘ ve teslîm edip ol dahi iştirâ ve kabûl ve kabz eyledikden sonra semeni olan meblağ-ı mersûm otuz bir bin akçeyi merkūm el-Hâc Şaban yedinden tamâmen alıp kabz eyledim ba‘de’l-yevm menzil-i mahdûd-ı merkūm mezkûr el-Hâc Şaban’ın mülk-i müşterâsıdır, keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâdî ve’l-ışrîn min Cemâziyelâhir sene erba‘a ve seb‘în ve elf. Şuhûdü’l-hâl: Solak Mehmed Bey b. Ahmed, Mustafa Efendi b. Mehmed el-İmâm, Mustafa b. Kasım, Mehmed b. Ali, Mehmed b. Hüseyin ve gayruhüm.