İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 169 Hüküm no: 126 Orijinal metin no: [30a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Belkıs bt. Abdullah’ın kocası Receb b. Hüseyin’den muhâla‘a yoluyla boşandığı Mahmiye-i İstanbul’da Manisalı Çelebi mahallesi sâkinelerinden olup zâtı ma‘rifet-i şer‘iyye ile ârifân Ali b. Receb ve Şaban b. Abdullah nâm kimesneler ta‘[rîf]leri ile mu‘arrefe olan Belkıs bt. Abdullah nâm hâtun zevc-i dâhili bâ‘is-i hâze’l-kitâb Receb b. Hüseyin nâm kimesne mahzarında ikrâr ve takrîr-i kelâm edip zevcim mezbûr Receb zimmetinde mütekarrir ve ma‘kūdun-aleyh olan altı bin akçe mehr-i müeccelim ve nafaka-i iddet-i ma‘lûmem üzerlerine ve mezbûr Receb’in firâşından hâsıl sadrî sagīr oğlum Hasan’ı yedi yaşına değin kendi malımdan infâk ve iksâ edip me’ûnet-i süknâm dahi kendi üzerime olmak üzre zevcim mezbûr Receb ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettiğinden sonra hukūk-ı zevciyyete müte‘allika âmme-i de‘âvâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ min Saferi’l-hayr li sene seb‘a ve semânîn ve elf. Şuhûdü’l-hâl: Receb b. Ali, Şaban b. Abdullah, el-Hâc Kasım b. Receb, Mehmed Çelebi b. Abdullah, Osman b. Ömer, Veli b. Mahmud ve gayruhüm.