İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 313 Hüküm no: 294 Orijinal metin no: [75a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hâkimin Osman b. Mehmed adlı küçüğe nafaka takdir ettiği Hâkim, Osman b. Mehmed nâm sagīrin nafakası, kisvesi ve sâir havâic-i zarûriyyesi için mahmiye-i Kostantıniyye mahallâtından Kefeli mahallesinde sâkine olan râfiatü hâze’l-kitâb Ayşe bt. Osman nâm annesi ve hâdinesinin talebiyle mezbûr babasından irs-i şer‘le kendisine intikāl eden ve vasîsi ninesi yedinde mahfûz bulunan emvâlden alınmak üzre zeyilde mezkûr tarihden i‘tibâren râyicü’l-vakt yevmî altı akçe farz ve takdîr etti hâkim sonra meblağ-ı mefrûzu sagīr-i mezbûrun nafakası, kisvesi ve sâir havâic-i zarûriyyesine sarf etmeye ve vakt-i hâcette istidâne edip sagīrin ninesi yedinde mahfûz bulunan mâl-ı mevrûstan ifrâza mezbûre Ayşe’ye izin verdi. Cerâ zâlike ve hurrire fi’l-yevmi’s-sâbi‘ min şehri Rebî‘ilevvel sene seb‘a ve semânîn ve elf. Şuhûdü’l-hâl: İbrahim Çelebi b. Mehmed, Hasan Beşe b. Mahmud, Osman Beşe b. el-Hâc Ömer, Hasan Efendi b. Mustafa ve gayruhüm