İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 345 Hüküm no: 333 Orijinal metin no: [86a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mehmed’in eşi Süleyman b. Mehmed’den boşandığı Mahmiye-i İstanbul’da Gül Câmi‘-i şerîfi mahallesi sâkinelerinden olup zâtı ma‘rifet-i şer‘iyye ile ârifân Mehmed b. ve Mehmed b. Abbas nâm kimesneler ta‘rîfleri ile mu‘arrefe olan Fâtıma bt. Mehmed nâm hâtun meclis-i şer‘-i şerîfde zevc-i dâhili Süleyman b. Mehmed nâm kimesne mahzarında ikrâr ve takrîr-i kelâm edip zevcim mezbûr Süleyman zimmetinde mütekarrir ve ma‘kūdun-aleyh olan bin akçe mehr-i müeccelim ve nafaka-i iddet-i mu‘ayyenem üzerlerine ve me’ûnet-i süknâm dahi kendi üzerime olmak üzre mezbûr Süleyman ile muhâla‘a-i sahîha-i şer‘iyye ile muhâla‘a edip ol dahi vech-i muharrer muhâla‘a-i mezbûreyi kabûl eyledikden sonra hukūk-ı zevciyyete müte‘allika âmme-i de‘âvâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâmin aşer min şehri Rebî‘ilevvel li sene seb‘a ve semânîn ve elf. Şuhûdü’l-hâl: İbrahim Çelebi b. Mehmed, Mehmed b. Mehmed, Hüseyin Çelebi el-Muhzır, Osman b. Ömer ve gayruhüm.