İstanbul Mahkemesi 18 Numaralı Sicil (H. 1086-1087/M. 1675-1676) cilt: 18, sayfa: 405 Hüküm no: 412 Orijinal metin no: [108a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice bt. Abdullah’ın Rus asıllı câriyesi Pâyidâr bt. Abdullah’ı azat ettiği Mahmiye-i İstanbul’da Tercüman Yunus? mahallesi sâkinlerinden Hatice Hâtun bt. Abdullah tarafından husûs-ı âti’l-beyâna vekîl olduğu zâtını ma‘rifet-i şer‘iyye ile ârifân mahalle-i mezbûre ahâlîsinden Ahmed Beşe b. Mehmed ve Ahmed Çelebi b. el-Hâc Abdüsselâm nâm kimesneler şehâdetleri ile şer‘an sâbit olan Hüseyin Çelebi b. el-Hâc Abdüsselâm nâm kimesne meclis-i şer‘-i şerîfde bi’l-vekâle ikrâr ve takrîr-i kelâm edip müvekkilem merkūme Hatice kendiye rıkkıyyetini mu‘terife olan orta boylu ala gözlü açık kaşlı Rûsiyyetü’l-asl bâ‘isetü hâze’l-kitâb Pâyidâr bt. Abdülvahhab nâm câriye-i memlûkesini hasbeten lillâhi’l-meliki’l-Hallâk ve taleben li merzâti’r-rab malından tahrîr ve i‘tâk ve zümre-i harâir-i asliyeye idrâc ve ilhâk eyledi ba‘de’l-yevm mevsûfe-i mezbûre Pâyidâr sâir harâir-i asliyye gibi hürre olup üzerinde müvekkile-i [108b] merkūme Hatice Hâtun’un velâ-i şer‘îden gayrı hakkı bâkī kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min şehri Rebî‘ilevvel li sene seb‘a ve semânîn ve elf. Şuhûdü’l-hâl: İbrahim Beşe b. Resûl, Süleyman b. İbrahim, Ahmed Beşe b. Mehmed, Ahmed Çelebi b. el-Hâc Abdüsselâm ve gayruhüm.