|
Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 103 Hüküm no: 97 Orijinal metin no: [15a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Muslı Beşe’nin karısı Saime’yi bâyin ile boşadığı
Galata kazâsına tâbi‘ kasaba-i Fındıklı’da Mehmed Ağa Mahallesi’nde sâkin Muslı Beşe b. Ali nâm râcil mahfil-i kazâda zevcesi işbu râfi‘atü’l-vesîka Saime bt. Ömer nâm hatun mahzarında bi’t-tav‘i’s-sâf ikrâr u i‘tirâf edip mezbûre Saime Hatun ile hâlâ sâkin olduğumuz mahalle-i mezbûrede vâki‘ menzilinden kendinin rızâsı olmadın ihrâc edip benim mahalle-i mezbûrede vâki‘ menzilimde veyâhud gayrı yerde mezbûre Saime Hatun’u iskân edersem mezkûre Saime Hatun talâk-ı bâyin ile benden mutallaka olsun dedikde, gıbbe’t-tasdîk ve’t-taleb mâ-vaka‘a ketb olundu.
Fi’l-yevmi’l-hâdî aşer min-Şevvâli’l-mükerrem li-sene selâse ve sittin ve elf.
Şuhûdü’l-hâl: Abdurrahman Bey b. Mehmed Bevvâb-ı Sultânî, Hasan Beşe b. Abdullah, Hasan Beşe b. Ahmed, Ahmed Çelebi b. Kalender, İbrahim Çelebi b. Davud, Mehmed Beşe Çukadâr, Hasan Çelebi er-Ressâm, Ali Beşe b. Mehmed.
|