İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 241 Hüküm no: 153 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın vakfettiği evin arsasının ulemadan Seyyid Mahmud Efendi b. Seyyid Halil’e tahsis edildiği Merhûm Ahmed Ağa’nın süknâsı kendiden sonra evlâdına ba‘dehûm rûhi’çün üç İhlâs-ı şerîf ve senede bir hatm-i şerîf tilâvet etmek üzere ulemâdan meskene muhtâc bir recül-i sâlih[e] meşrûta vakfı olup mahmiye-i İstanbul’da Demirhan mahallesinde vâki‘ bir tarafdan Camcı Receb menzili ve bir tarafdan Hatice Hanım odaları ve bir tarafdan Tosyavî Mehmed Efendi kızı menzili ve bir tarafdan tarîk-i âm ile mahdûd menzile tevcîh-i hâkimü’ş-şer‘le mutasarrıf olan es-Seyyid Ahmed Efendi b. es-Seyyid Halil menzil-i mezkûr muhterik olmağla arsasından kasr-ı yed etmeğin arsa-i menzil-i mezkûr mahlûle ve işbu râfi‘u’l-kitâb es-Seyyid Mahmud Efendi b. es-Seyyid Halil ulemâdan olup meskene muhtâc olmağla arsa-i menzil-i mezkûr kıbel-i şer‘den mezbûr es-Seyyid Mahmud Efendi’ye şurût-ı vâkıf üzere tevcîh olunup tasarrufi’çün işbu vesîka-i enîka ketb u tahrîr olunup yedine def‘ ve i‘tâ olundu. Fi’l-yevmi’s-sâlis ve’l-ışrîn min-Şa‘bâni’l-mu‘azzam li-sene seb‘a ve mie ve elf. Şuhûdü’l-hâl: Ahmed Efendi b. Mustafa, eş-Şeyh Mehmed Efendi b. İbrahim, İbrahim Efendi el-müezzin, el-Hâc Mahmud b. ( ), Kadri Çelebi el-müezzin, Camcı Ahmed Çelebi b. Ali ve gayruhum.