İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 272 Hüküm no: 172 Orijinal metin no: [59b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halep’e gidip gelecek olan Veledi Karabaş mahallesi imamı Hacı Mehmed Efendi b. Hasan’ın yerine Mehmed Efendi b. Osman’ı vekil tayin ettiği Mahmiye-i İstanbul’da Veledi Karabaş mahallesi imâmı olan el-Hâc Mehmed Efendi b. Hasan meclis-i şer‘-i şerîf-i enverde mahalle-i mezbûre sükkânından Mehmed Efendi b. Osman nâm kimesne mahzarında ikrâr-ı tâm ve takrîr-i kelâm edip hâlâ benim için Halebü’ş-şehbâ’ya sefer iktizâ etmekle varıp gelinceye değin vekîl-i muhtâr-ı cemâ‘a olan mezbûr Mehmed Efendi’yi imâmet-i mezbûreyi ikāmete yevmî üç akçe vazîfe ile tarafımdan vekîl ve nâib-i menâb nasb u ta‘yîn edip ol dahi vekâlet-i mezbûreyi kabûl ve merâsimini edâya ta‘ahhüd eyledi dedikde mukırr-ı mezbûrun ber-vech-i cârî ve sâdır olan ikrârını el-mukarrun-lehu’l-mezbûr Mehmed Efendi vicâhen tasdîk ve şifâhen tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-şehri Ramazani’l-mübârek li-sene seb‘a ve mie ve elf. Şuhûdü’l-hâl: Rüşdü Ahmed Efendi b. ( ), el-Hâc Mustafa Efendi b. ( ), Mehmed Efendi b. ( ), Hasan Efendi b. Mustafa, İbrahim Çelebi b. Ahmed, Mustafa Ağa, Müezzin Abdullah Çelebi b. Veys, el-Hâc Ahmed b. Mustafa, el-Hâc Hasan b. Abdülfettah, Mehmed Beşe b. Abdullah, el-Hâc Nasuh b. Hüseyin, Abdi Çelebi b. Yusuf, Hüseyin Çelebi b. Mehmed. Yevmü’r-râbi‘ fî 23 min-şehri Ramazani’l-mübârek sene 1107