İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 642 Hüküm no: 495 Orijinal metin no: [166b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul cizyedarı Karakulak Ahmed Ağa’nın firarı üzerine yerine geçenin cizye tahsilinde gereğini yapması Kıdvetü’l-emâcid ve’l-a‘yân tersâne emîni efendi -zîde mecduhû- yüz yedi senesine mahsûb olmak üzere İstanbul cizyedârı olan Karakulak Ahmed Ağa bundan akdem firâr ve kefîl ve ketîbi? olan Ahmed’in dahi habsi için fermân vârid olup habsolunmağla inşâallâhu te‘âlâ sene-i cedîd tevzî‘i vakti gelince her ne mikdâr kâğıdsız kefere bulunur ise tecessüs ve kâğıd verilmek üzere sizi ta‘yîn ve fermân buyurmalarıyla imdi siz dahi kadr-ı kifâye evrâk ahz edip ve inşâallâhu te‘âlâ cedîd evrâk tevzî‘i vaktine dek gereği gibi tecessüs ile sene-i mezbûreden kâğıdsız olan keferelere kâğıd verip cizyelerin cem‘ ve tahsîl ve kâğıdsız bir kefere kalmamak üzere ziyâdece ikdâm ve ihtimâm eyleyesiz. Fî 7 R sene 1107. Veredehû fî 10 min-Recebi’l-ferd li seneti’l-mezbûr.