İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 656 Hüküm no: 515 Orijinal metin no: [172a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hoca Paşa’da bulunan zımmi kiracının has ekmek fırınına müdahalede bulunulmaması Hatt-ı hümâyûn Mûcebince amel oluna Akzâ kuzâtü’l-Müslimîn evlâ vülâti’l-muvahhidîn ma‘denü’l-fazl ve’l-yakīn râfi‘ü i‘lâmi’ş-şerî‘ati ve’d-dîn vârisü ulûmü’l-enbiyâi ve’l-mürselîn el-muhtassu bi-mezîd-i inâyeti’l-meliki’l-mu‘în mevlânâ İstanbul kadısı -zîdet fezailehû- tevkī‘-i refî‘-i hümâyûn vâsıl olucak ma‘lûm ola ki mahrûse-i İstanbul’da Hoca Paşa kurbünde vâki‘ hâs ekmek fırınının müste’ciri olan ( ) nâm zimmî Rikâb-ı hümâyûnuma arzuhâl edip fırın-ı mezbûrda kadîmî üzere hâs ekmek tabhına ba‘zı kimesneler mâni‘ olup rencîde eylediklerin bildirip ol bâbda hükm-i hümâyûnum recâ etmeğin sâdır olan hatt-ı hümâyûn-ı şevket-makrûnum mûcebince müceddeden nizâm verildiği üzere kerestesi gāyet aslah ve hâlis olup hâlâ işlendiği minvâl üzere hâs ekmek tabhına muhâlefet olunmamak emrim olmuşdur buyurdum ki, vusûl buldukda bu bâbda sâdır olan emrim üzere amel dahi sâdır olan hatt-ı hümâyûn-ı şevket-makrûnum mûcebince müceddeden nizâm verildiği üzere kerestesi gāyet ıslâh ve hâlis olup hâlâ işlendiği minvâl üzere hâs ekmek tabhına kimesneye muhâlefet etdirmeyesin şöyle bilesin, alâmet-i şerîfe i‘timâd kılasın. Tahrîren fî evâili şehri Ramazan li-sene seb‘a ve mie ve elf. Veredehû fî 2 min-Ramazan sene 1107 Kostantıniyye el-mahrûse