İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 690 Hüküm no: 525 Orijinal metin no: [181b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azak tarafına gidecek olan üç çekdirmenin görevlileri için acilen bin kantar peksimed hazırlanması İstanbul kadısı fazîletlü ve izzetlü efendi hazretleri serî‘an ve âcilen Azak cânibine fermân buyrulan üç kıt‘a çekdirmeler levendât ve üsârâsı için ziyâde peksimed lâzım olup lâkin mevcûd peksimed olmayıp ve bulunmamağla uncular ve çörekçiler kethudâları ma‘rifetiyle bin kantar peksimed icâleti’l-vakt tabh olunmak mühim ve muktezî olmağla imdi mezkûr kethudâlara icâleten bin kantar peksimed için dakīk eylemek üzere iki bin beş yüz keyl hınta verdirip ve eğer mevcûd dakīk var ise dakīk verdirip ve mezbûrlara ma‘rifetleriyle esnaflarına tevzî‘ ve ol mikdâr peksimedleri bir an ve bir sâ‘at evvel erişdirip vermeleri bâbında ekîden şedîden tenbîh eyleyesin deyü buyruldu. 9 Za sene [1]107.