İstanbul Mahkemesi 22 Numaralı Sicil (H. 1107-1108 / M. 1695-1697) cilt: 57, sayfa: 702 Hüküm no: 539 Orijinal metin no: [185a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’da sura bitişik ve yakın yerlerdeki mahzen ve evlerde, yangına sebep olma ihtimalinden dolayı saman, kereste, tahta, odun ve kömür gibi eşya bulundurulmaması İstanbul kadısı fazîletlü ve izzetlü efendi hazretleri, Âsitâne-i sa‘âdetin dâhil-i sûr ve hâricinde ba‘zı kimesneler sura muttasıl ve karîb dekâkîn ve mahzen ve hânelerinde otluk ve saman ve kereste ve tahta ve odun ve kömür yıkıp ekseriyâ ihrâka bâ‘is oldukları mukarrer ve mütehakkık olmağın imdi dâhil-i sur ve hâricinde sura muttasıl ve karîb mahâlde ol makūle otluk ve saman ve kereste ve tahta ve odun ve kömür ve sâir mûcib-i ihrâk olur eşyâyı herkes kaldırıp surdan hâric mahâll-i me’mene koyup iyâzen billâhi te‘âlâ ihrâkdan hazer eylemek üzere gerek dekâkîn ve mahzen ve gerek hâne ashâbı ve müste’cirlerine muhkem tenbîh eyleyesin, bundan sonra sura muttasıl ve karîb olanların dekâkîn ve mahzen ve hâneleri yoklanıp eşyâ-i mezkûreden bir şey bulunur ise gerek ashâbı ve gerek müste’cirlerinin haklarından gelinip eşedd-i ukūbet olunmak mukarrerdir, ona göre cümlesin âgâh eyleyesin deyü buyruldu. 29 L. sene [1]107.