İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 84 Hüküm no: 20 Orijinal metin no: [9a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kapan ve iskelelerdeki hamalların narhlara uymaları hakkında ikaz edildiği Ma‘rûz-ı dâ‘î-i devlet-i aliyyeleridir ki Zikr olunan hammâl tâifesinin küfelâsı mahallerinde ba‘de’t-tescîl cümle bölükbaşıları ve kethüdâları meclis-i şer‘a ihzâr olunup ba‘de’l-yevm tâife-i mezbûre bâlâda tahrîr olunan narhlarından ziyâde talebi ile ibâdullâhı rencîde ve ta‘cîz etmeyip ve isti‘mâl ettikleri bârgirleri na‘lsiz olmayıp ve’l-ıyâzu billâhi te‘âlâ vâki‘ olan harîklerde ibâdullâhın emvâl ve eşyâsı zâyi‘ ve afvolunmayıp eğer hammâl tâifesi ahz ve firâr ile zâyi‘ olursa kefîli olan bölükbaşısından tazmîn olunup ibâdullâha bir nev‘ zarar olmamak üzre cümlesine tenbîh ve te’kîd olundukda onlar dahi râzı ve müte‘ahhid olmalarıyla beynlerine nizâm verilip bu nizâm ba‘de’l-yevm beynlerinde cârî ve düstûrü’l-amel olunmak bâbında defter-i mezkûr bâlâsına fermân-ı âlî ihsân buyurulmak bâbında fermân men lehü’l-emrindir. Fî evâhiri Recebi’l-ferd sene 1138. Hurrire hâze’d-defter bi ma‘rifeti’l-fakīri ileyhi sübhânehû -azze şânühû- Kethüdâzâde Mehmed el-kadı bi Dâri’s-saltanati’l-kübrâ haffe bi hafiyyi lutfihî hafiyyi’l-eltâf fi’l-uhrâ ve’l-ûlâ.