İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 95 Hüküm no: 28 Orijinal metin no: [11a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nizama aykırı olarak teknecilik yapan es-Seyyid İsmail’in engellenmesi Bâ sah İ‘lâmı mûcebince amel olunmak buyruldu. Ma‘rûz-ı dâ‘î-i devletleridir ki Mahmiye-i İstanbul’da Zindankapısı kurbunda [vâki‘] tekneci esnâfının kethüdâları Mehmed b. Süleyman (…) sâir ihtiyârları meclis-i şer‘de (…) es-Seyyid İsmail muvâcehesinde (…), zikr olunan Zindankapısı kurbunda olup âhar mahalde kimesne koltukçuluk etmemek üzre mukaddemâ fermân-ı âlî sâdır olmağın ber mûceb-i fermân-ı âlî mezbûr Seyyid İsmail Zindankapısı kurbunda bir bâb dükkân tahliyye edip küll-i yevm yanımızda tekne bey‘ ve şirâ eyle dediğimizde mezbûr es-Seyyid İsmail temerrüd edip hilâf-ı fermân ve nizâmımıza mugāyir Ayazmakapısı kurbunda dükkân açıp tekne bey‘ ve şirâ ve koltukçuluk eder deyû her biri mezbûrdan teşekkî ettiklerinde, mûmâ-ileyh mezbûr es-Seyyid İsmail’e ber vech-i muharrer nizâmlarına mugāyir hilâf-ı fermân-ı âlî hareket etmemek üzre [buyruldu]. Fî 19 Zilka‘de [sene 1138].