İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 156 Hüküm no: 89 Orijinal metin no: [26a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rüstem Paşa Camii civarındaki nalburcuların nizamı ve isimleri Bâ sah Mûcebince amel olunup hilâfına tasaddî edenler men‘ olunmak deyû buyruldu. Nalbur defteri Defter oldur ki mahmiye-i İstanbul’da Rüstem Paşa câmi‘-i şerîfi kurbunda vâki‘ nalbur tâifesinin esâmîleridir ki ber vech-i âtî zikr olunur; Abdurrahman Çelebi Kethüdâ Yiğitbaşıları Mustafa Çelebi Kadızâde el-Hâc Ahmed Uzun el-Hâc Ali el-Hâc Mustafa el-Hâc Ali Ağa İsmail Çelebi Abdülbâkī Çelebi el-Hâc Mehmed el-Hâc Ahmed Köse Yusuf Çelebi Hasan Beşe İbrahim Çelebi el-Hâc Hüseyin Kırımî Molla Ahmed Hüseyin Odabaşı el-Hâc Mehmed Eyyûb Çelebi Yusuf Çelebi Halil Çelebi Mehmed Çelebi tâbi‘-i el-Hâc Ali Süleyman Çelebi Ali Çelebi tâbi‘-i el-Hâc Mustafa Mustafa Çelebi Yusuf Çelebi tâbi‘-i Abdülbâkī Çelebi Köse el-Hâc Mustafa b. Ali Kuyumcuzâde el-Hâc Ahmed Bâlâda mezkûr nalbur tâifesi yedlerine mimar ağa tarafından verilen defter mûcebince amel edip enserci tâifesine te‘addî ve tecâvüz etmemek üzre herbiri ta‘ahhüd ve ittifâk ve birbirlerine tekeffül ve kethüdâları mezbûr Abdurrahman Çelebi dahi mecmû‘una tekeffül edip bu vech üzre beynlerinde nizâm verilmeğin fîmâ ba‘d nizâm-ı mezkûr düstûrü’l-amel olup hilâfına tasaddî ve tecâvüz olunmamak bâbında fermân-ı âlî recâsında oldukları huzûr-ı âlîlerine i‘lâm olundu. Fermân men lehü’l-emrindir.