İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 197 Hüküm no: 115 Orijinal metin no: [36a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kalp bakır işleyenlerin müebbet kürek cezasına çarptırılacakları Bâ sah İstanbul kadısı fazîletlü Efendi Mezbûrlar fîmâ ba‘d kalb işlemeyip içlerinden hafiyyeten kallâb bulunursa ahz ve huzûrumuza getirmek üzre ta‘ahhüd eylemek şartıyla fetvâ-yı şerîfleri tescîl ve i‘lâm eyleyesiz sırren ve alenen tefahhus olunup ahz olundukda müebbed ümerâ-i deryâ sefînelerine vaz‘ olunacakların dahi kendilere tefhîm eyleyesiz, kethüdâları dahi basîret üzre olup kalb iş bulunmakdan ziyâde tevakkī edip ağrâz-ı nefsâniyyeye tâbi‘ ve celb-i menfa‘at sevdâsıyla esnâf-ı mezbûreyi rencîde eder ise ba‘de’l-vukūf müstahak olduğu ta‘zîr ile te’dîb olunacağın ifhâm edip nizâma muhil vaz‘dan ziyâde ictinâb ve şurût-ı mezbûreyi mürâ‘ât olunmak bâbında kefîllerine dahi tenbîh ve ba‘de’t-tescîl arz u i‘lâm eyleyesiz deyû buyruldu.