İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 266 Hüküm no: 177 Orijinal metin no: [55a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yedikule dışındaki debbağlar kethüdâlığına Seyyid Hacı Ahmed b. İbrahim’in tayini Ma‘rûz-ı dâ‘î-i devletleridir ki Mahmiye-i İstanbul’da Yedikule hâricinde vâki‘ debbâğ tâifesinin kethüdâları olan es-Seyyid Ahmed kasab tâifesinin mallarını cem‘ ve tahsîlde ihmâl ve tekâsül eylediğinden mâ‘adâ kethüdâlığa rağbet etmeyip esnâfı beyninde hilâf-ı nizâm hareket etmekle, mezbûr es-Seyyid Ahmed ref‘ ve kethüdâlık-ı mezbûr hırfet-i mezbûre erbâbının muhtârları olup her vechile mahall ü müstahık olan es-Seyyid el-Hâc Ahmed b. İbrahim’e tevcîh ve müceddeden mahallinde kayd ve yedine berât-ı şerîf-i âlîşân ihsân buyurulmak bâbında fermân men‘ lehü’l-emrindir. Fî 24 Safer sene [1]139.