İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 426 Hüküm no: 288 Orijinal metin no: [93b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Narhtan fazlaya satış yapan mumcu dükkânlarının başkasına verilmesi Bâ sahh-ı hazret-i sadr-ı âlî İ‘lâmı mûcebince kârhâneleri âhar mu‘temedün-aleyh kimesnelere verilip mesfûrân huzûra ihzâr olunmak deyû. 10 Zilka‘de sene 1150. Ma‘rûz-ı dâ‘îleridir ki Mumcu esnâfının kethüdâları ve yiğitbaşı ve sâir müseccelü’l-esâmî mumcular meclis-i şer‘de esnâf-ı mezbûreden Çağanos Vasil ve diğer mumcu çingene Aleksi nâm zimmîler tevzî‘imizden aldıkları don yağı hisselerini tama‘larından nâşî bir tarîkle hafiyyeten ifnâ edip ve mum dökdükleri hâlde dahi ta‘yînleri olan bakkal dükkânlarına götürmeyip, onu dahi hafiyyeten narhından ziyâdeye bey‘ edip bu tarîkle dahi âhar nice hiyel ve hud‘a ile san‘atımızı muhtel ve nizâm-ı hâllerimize halel getirmeleriyle mesfûrânın yedlerinde olan kârhâneleri alınıp, âhar mu‘temedün-aleyh kimesnelere verilip mesfûrân Vasil ve Aleksi fîmâ ba‘d san‘atımıza karışmamak üzre ve taşra mumcuları dahi tevzî‘imiz gününden gayrı iskelelerde yağ getiren sefînelerden hafiyyeten yağ kaçırmayıp ancak tevzî‘de hisselerini almakdan ziyâdeye tecâvüz etmemek üzre fermân-ı âlî recâlarında oldukları huzûr-ı âlîlerine i‘lâm olundu. Bâkī emr ü fermân men lehü’l-emrindir. Fî 6 Zilka‘de sene 1150. [94a] ( ) [94b-95a] ( )