İstanbul Mahkemesi 24 Numaralı Sicil (H. 1138-1151/M.1726-1738) cilt: 21, sayfa: 514 Hüküm no: 299 Orijinal metin no: [115a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kuzu etinin narhı Ma‘rûz-ı dâ‘î-i devletleridir ki Bu sene-i mübârekede luhûmun kılleti olmağla lahm-ı kuzudan başı ve ciğeri ifrâz olunmayıp her vakıyyesin yirmişer akçeye bey‘a bu vakte değin müsâ‘ade olunmuşdu. bi hamdihî te‘âlâ luhûmun el-yevm kesreti olmağla ba‘de’l-yevm tâife-i kasabân zebh eyledikleri kuzudan baş ve ciğerin ifrâz edip her vakıyyesin on sekizer akçeye nâsa bey‘ etmek bâbında fermân-ı âlîleri sudûru re’y-i savâb olduğu ma‘lûm-ı devlet-i aliyyeleri olundukda emr ü fermân hazret-i men lehü’l-emrindir. Fî 28 min Safer sene 1151.