İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 70 Hüküm no: 3 Orijinal metin no: [1-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Regaib gecesinde minarelerde kandiller yakılması Ma‘rûz, Sultân-ı enbiyâ rasûl-i kibriyâ Muhammedenü’l-Mustafa -aleyhi ve alâ-âlihi ve ashâbihi efdalü’t-tahâyâ- hazretlerinin tâ hicret-i aliyyeleri olan bin yüz yetmiş dokuz senesinde vâki‘ ve yevm-i sebtden mazbût Recebi’l-müreccebin Cuma-i ûlâsının leyle-i mergūbe-i mübârekesi olan Regāib gecesinde tefrîh-i kulûb-ı müminîn ve müminât için minârât-ı cevâmi‘-i şerîfe kanâdîl ile tezyîn olunmak de’b-i dirîn olmağla cevâmi‘-i selâtîn kayyûmlarına işbu leyle-i mübârekede vech-i meşrûh üzere minârât-ı münîrâtı kanâdîl-i nûr-efşân ile müzeyyen ve münevver etmeleri tenbîh olunacağı huzûr-ı âlîlerine i‘lâm olundu. Bâkī emr [u] fermân hazret-i men-lehü’l-emrindir. Fî 6 min-Recebi’l-mürecceb sene 1179.