İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 91 Hüküm no: 35 Orijinal metin no: [15-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miraç gecesi selatin camilerinin minarelerinde kandil yakılması Leyle-i Mi‘râcda îkād-ı kanâdîl Ma‘rûz, Cenâb-ı mazhar-ı teşrîf-i şerîf-i hassü’l-hâss-ı levlâk ve hazret-i mazhar-ı hârikü’l-âde hark-ı eflâk Rasûlü’s-sakaleyn vâsıl-ı ser-menzil-i kābe kavseyn Muhammedü’l-Mustafa -sallallâhu te‘âlâ aleyhi ve alâ-âlihi’t-tahâyâ- hazretlerinin mi‘râc-ı pür-ibtihâcları vâki‘ olduğu leyle-i mübâreke yetmiş dokuz senesi Recebi’l-ferdi gurresi yevm-i Sebt’den mazbût olduğuna binâen işbu yirmi yedinci hâmis gecesi olmağla cevâmi‘ ve mesâcidin minârât-ı münîrâtı kanâdîl-i nûr-efşânla tezyîn kılınmak âyin-i müstahsen ve de’b-i dirîn-i ahsen olduğundan işbu leyle-i mübâreke-i hâmisde ber-vech-i muharrer îkād-ı kanâdîl ile takrîr-i uyûn-ı müminîn kılınmak için cevâmi‘-i selâtîn-i izâm kayyûmlarına tenbîh olunacağı ma‘lûm-ı devletleri buyruldukda emr u fermân hazret-i veliyyü’l-emrindir. Fî 26 min-Recebi’l-ferd sene [1]179