İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 121 Hüküm no: 71 Orijinal metin no: [35-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Patos’un, Panayot v. Polohoron aleyhindeki alacak davasından men olunması Hukūk-ı sefîne semeninden 800 guruş mu‘ârazadan men‘ Ma‘rûz, Mahmiye-i İstanbul’da mütemekkin Patos nâm zimmî meclis-i şer‘-i hatîrde arzuhâl eden Polohoron nâm zimmînin oğlu Panayot nâm zimmî muvâcehesinde merkūm Panayot zimmetinde altı sene mukaddem yedimden iştirâ ve kabz eylediği bir kıt‘a sefîne semeninden olan sekiz yüz guruş hakkımı taleb ederim deyü da‘vâ ve merkūm Panayot cevâbında müdde‘î-i mesfûr sefîne-i mezkûresini babam merkūm Polohoron’a bey‘ ve istîfâ-yı semen etmiş idi deyü kendinin iştirâsını bi’l-külliye inkâr etmeğin müdde‘î-i merkūmdan müdde‘âsına beyyine taleb olundukda istimhâliyle bi’d-defa‘ât imhâl olunup ikāmet-i beyyineden izhâr-ı acz ve tahlîfe dahi tâlib olmamağla bilâ-beyyine-i âdile mu‘ârazadan men‘ olunduğu mübâşiri Süleyman Çavuş iltimâsıyla huzûr-ı âlîlerine i‘lâm olundu. Fî 25 Zilka‘de sene 1129.