İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 120 Hüküm no: 70 Orijinal metin no: [35-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Patos v. Kostanti’nin alacak talebiyle Esterati v. Yorgi’yi rahatsız etmemesi Zahîre getirmek için Esterati’ye teslîm, 420 [guruş] Ma‘rûz, Mahmiye-i İslambol’da Cebeali kurbünde mütemekkin Patos v. Kostanti meclis-i şer‘-i hatîrde Şarköy kurâsından Mürefte nâm karye mütemekkinlerinden hasmı Esterati v. Yorgi muvâcehesinde karye-i mezbûreden zahîre getirmek için merkūm Esterati’ye kendi menzilimde on sekiz gün mukaddem malımdan altın ve beyaz akçe mahlût yetmiş bin dört yüz yirmi guruş verip mezbûr bana zahîre getirmemekle istirdâd ederim deyü ba‘de’d-da‘vâ ve’l-inkâr müdde‘î-i mezbûr müdde‘âsını beyana istimhâl etmeğin bi’d-defa‘ât mehl-i şer‘î ile imhâl olunup ityân-ı beyyineden acziyeti zâhir olmağla talebiyle merkūm Esterati meblağ-ı merkūm için tahlîf-i şer‘î ile tahlîf olunmağın müdde‘î-i merkūm bilâ-beyyine-i âdile meblağ-ı mezkûr [yetmiş] bin dört yüz yirmi guruş için mu‘ârazadan men‘ olunduğu tescîl ve mübâşiri Süleyman Çavuş kulları iltimâsıyla huzûr-ı âlîlerine i‘lâm olundu. Fî 25 Za sene [11]79.