İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 198 Hüküm no: 171 Orijinal metin no: [82-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akbıyık Hamamı kiracısı Mustafa’nın kira sözleşmesinin feshedilmesi Akbıyık Hamâmı müstecirleriyle fesh-i icâre Ma‘rûz, Akbıyık Hamâmı’nda müsâneheten müstecir Lengerli el-Hâc Mustafa meclis-i şer‘-i hatîrde hamam-ı mezkûrun mutasarrıfları Tahterevancıbaşı müteveffâ Ali Ağa’nın kerîmeleri Saide ve Rukıye ve Zeliha taraflarından sâbitü’l-vekâle vekîlleri arzuhâl eden Hâfız Mehmed mahzarında hamam-ı mezkûru mutasarrıfeleri mezbûrât yetmiş dokuz senesi Muharremi gurresinden üç sene tamâmına dek bana icâr ve teslîm edip ben dahi işbu seksen Muharremi gurresine gelince bir sene zabt etmiş idim. Lâkin mezbûrât fesh-i icâre ve âhara icâr murâd edip hamam-ı mezkûre masrûfâtım için mallarından bana kırk guruş [83] kırk guruş verip ve da‘vâsından zimmetimi ibrâ etdiklerinde ben dahi fesh-i akd-i icâre etmekle hamamcılar kethüdâsı işbu hâzır bi’l-meclis el-Hâc Mehmed ma‘rifetiyle hamam-ı mezkûru tahliye ve müvekkilât-ı mezbûrata teslîm eyledim deyü ikrârını vekîl-i mezbûr tasdîk eylediği mübâşiri iltimâsıyla huzûr-ı âlîlerine i‘lâm olundu. Fî 9 Muharrem [11]80.