İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 214 Hüküm no: 196 Orijinal metin no: [91-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim ile Sinan Bey Camii Vakfı mütevellisi Mustafa arasındaki davanın sadrazam huzurunda görüşülmesi Çarşamba günü huzûr-ı âlîlerinde şer‘an fasl Ma‘rûz, Eşen Paşa evlâdından olmak üzere sâhib-i arzuhâl İbrahim ile Kapan-ı dakīk kurbünde müteveffâ Sinan Bey v. Yavuzer Câmi‘-i şerîfi Vakfı’nın kāimmakām-ı mütevellîsi arzuhâlde mezkûr hasmı Mustafa’nın yedlerinde olan senedâta nazar olundukda kayıdları birbirine muhâlif olduğundan mâ‘adâ mezbûr İbrahim’in bin yüz yetmiş sekiz senesi Zilka‘desi târîhiyle yedinde olan hüccetde nizâ‘ eyledikleri Çorum kazâsında vâki‘ arazi için yüz elli seneden beri Eşen Paşa Evlâdı Vakfı tarafından zabt olunageldiği musarrah olmağla senedât-ı mezkûre ve kuyûdât sa‘âdetlü reis efendi dâ‘îleri tarafından rü’yet ve hülâsa olundukdan sonra husûs-ı mezkûr ma‘lûm-ı devletleri buyrulmak için Çarşamba günü huzûr-ı âlîlerinde şer‘an fasl ü hasm olunmak bâbında emr ü fermân hazret-i men-lehü’l-emrindir. Fî 28 M sene 1180.