İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 247 Hüküm no: 247 Orijinal metin no: [112-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakkında şikâyet olan Arnavut Hüseyin’in kendi işiyle meşgul olmaya taahhütte bulunması Ma‘rûz, Mahmiye-i İslambol’da Kârhâne Yoğurtçuları Kethüdâsı Mustafa ve yiğitbaşıları Halil, ustalarından diğer Mustafa ve Mehmed ve İbrahim ve diğer Mehmed ve Ali ve Süleyman nâm kimesneler ile zimmî ustaları meclis-i şer‘-i şerîfe ihzâr etdirdikleri Davudpaşa Kârhânesi olan Arnavud Hüseyin’den kendi hâlinde olmayıp nizâmımızın mugāyiri hareketde olup dâimâ ihtilâl vermekle bundan akdem bi’d-defa‘ât tenbîh olundukda mütenebbih olmayıp bu def‘a dahi âhar mahâlle kârhâne ihdâsı irâdesinde olmağla içimizden ihrâç olunmasını iltimâs ederiz deyü teşekkî etdiklerinde, ol dahi nizâmları mugāyiri hareketini ikrâr, lâkin fî-mâ-ba‘d kendi hâlinde olup esnâfları beynine bâ‘is-i ihtilâl olacak hareketde olmamak üzere ta‘ahhüd ve eğer bir dahi bu misillü hareketde olursa te’dîb için kal‘aya vaz‘ olunmağa râzı oldukda esnâf-ı mezkûre dahi ta‘ahhüdü üzere teşekkîlerini te’hîr ve bu vechile kat‘-ı nizâ‘ eyledikleri bi’l-iltimâs huzûr-ı âlîlerine i‘lâm olundu. Fî 21 Safer 1180.