İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 283 Hüküm no: 301 Orijinal metin no: [133-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola ve Çolak Manol’ün dilencilerin işlerine karışmamak hususunda taahhütte bulunmaları Küffâr se’elesi Ma‘rûz, Sâdır olan fermân-ı âlîlerine imtisâlen se’ele-i küffârın arzuhâlleriyle şikâyet eyledikleri Nikola ve Çolak Manol ile bundan akdem birkaç def‘a murâfa‘a olmalarıyla mezbûrân kendi hâllerinde olup gürûh-ı mezkûrun umûrlarına karışmamak üzere <> ta‘ahhüd ve iki kıt‘a i‘lâm olmağla fî-mâ-ba‘d dahi hilâf-ı şer‘-i şerîf gürûh-ı mezkûrun işlerine karışmamak üzere nefislerine izzetlü yeniçeri ağası ma‘rifetiyle kefilleri alınıp bir dahi karışırlar ise merkūm Nikola küreğe vaz‘ ve merkūm Çolak Manol dahi vilâyeti olan İzmir’e nefy olunmak bâbında fermân-ı âlî sadedinde emr ü fermân hazret-i men-lehü’l-emrindir. Fî 16 Rebî‘ülevvel sene 1180.