İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 284 Hüküm no: 303 Orijinal metin no: [133-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın, Ahmed’den satın almış olduğu yağlıkçı aletlerini iade ederek parasını alması Yağlıkçı gediği Ma‘rûz Yağlıkçı ustalarından sâhib-i arzuhâl el-Hâc Ahmed meclis-i şer‘-i hatîrde hasmı arzuhâlde mezkûr Osman nâm kimesne mahzarında Bezistan kurbünde vâki‘ müstecir olduğum ma‘lûmü’l-hudûd yağlıkçı dükkânında mevcûd eşyâmı yağlıkçı gediği olmak üzere yedi gün mukaddem mezbûr Osman’a dört yüz elli guruş semen-i makbûza bey‘ ve teslîm etmekle bey‘-i mezkûrun fesâdına binâen semen olmak üzere makbûzum olan dört yüz elli guruşu red ve eşyâ-yı [134] mezkûreyi taleb ederim deyü da‘vâ ve mezbûr Osman dahi eşyâ-yı mezkûreyi müdde‘î-i mezbûrdan gedik olmak üzere şart-ı fâsid ile iştirâ eylediğini ikrâr u i‘tirâf etmeğin ikrârı mûcebince meblağ-ı mezkûr dört yüz elli guruşu kabz ve eşyâ-yı mezkûreyi redde mezbûr Osman’a tenbîh olunduğu bi’l-iltimâs huzûr-ı âlîlerine i‘lâm olundu. Fî 17 Ra sene [11]80.