İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 300 Hüküm no: 327 Orijinal metin no: [142-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sormagir mahallesi halkından Karamanlı Ayşe’nin mahalleden ihraç olunması İhrâcını iltimâs Ma‘rûz, Arzuhâl eden Sormagir mahâllesi ahâlîlerinden İmam es-Seyyid Ahmed Efendi ve Müezzin Molla Mustafa ve İbrahim Odabaşı ve diğer İbrahim Odabaşı ve Attâr Mehmed ve Hallâç Süleyman ve Molla Süleyman ve Yağcı Mehmed ve Berber Osman mahâlle-i mezbûrede sâkine ve derûn-ı arzuhâlde mezkûre Karamanlı Âişe bt. Ahmed’den mezbûre kendi hâlinde olmayıp hadîdü’l-lisân olmağla şetm ve hetk-i ırz âdet-i müstemirresi olmağla hattâ bu esnâda kızı Hibetullah’ın zevc-i dâhili olup hâlâ Niğbolu’da sâkin iken tehâşî etmeyip bir kimesneye dahi tezvîc etdirmekle men‘ olunmuş idi deyü sû-i hâlini muvâcehesinde ihbâr ve mahâlle-i mezbûreden ihrâcını iltimâs eylediklerinde [143] ol dahi dört güne dek âhar mahâlle nakletmek üzere kat‘-ı nizâ‘ eyledikleri bi’l-iltimâs huzûr-ı âlîlerine i‘lâm olundu. Fî 24 Rebî‘ülevvel sene 1180.