İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 303 Hüküm no: 333 Orijinal metin no: [144-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in, Yahudi İlya aleyhindeki alacak davasının zaman aşımına uğraması 210 guruşdan men‘ Ma‘rûz, Arzuhâl eden İlya Yahûdînin hasmı el-Hâc Mehmed dîvân-ı âlîlerinde ma‘kūd meclis-i şer‘-i hatîrde merkūm İlya ile terâfu‘larında benim gāibân ani’l-meclis Kemâl ve diğer Kemâl nâm Yahûdîler zimmetlerinde cihet-i deyn-i şer‘îden olan iki yüz on guruş alacağıma işbu merkūm İlya on altı sene mukaddem kefil olmağla taleb ederim deyü da‘vâ edip lâkin müddet-i mezkûrede [145] terk-i da‘vâ bilâ-özr-i şer‘î sükût eylediği ikrârıyla müte‘ayyen olmağın bu makūle on altı sene zamân mürûr eden da‘vânın istimâ‘ından hükkâm memnû‘lar olmağla mezbûr el-Hâc Mehmed mu‘ârazadan men‘ olunduğu mübâşiri iltimâsıyla huzûr-ı âlîlerine i‘lâm olundu. Fî 26 min-Rebî‘ülevvel sene 1180.