İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 328 Hüküm no: 371 Orijinal metin no: [158-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eminönü’nde Manav Osman ve ortağı Ahmed’in birbirleri aleyhindeki alacak iddiasında anlaşma sağlamaları Şirket’den ibrâ, Ma‘rûz, Eminönü’nde manav arzuhâl eden Osman meclis-i şer‘-i hatîrde şerîki arzuhâlde mezkûr es-Seyyid Ahmed’den dokuz ayda mâl-ı şirketleri fâizinden iddi‘â eylediği bin iki yüz guruşa müte‘allıka âmme-i da‘vâdan mezbûr es-Seyyid Ahmed’in zimmetini ibrâ ve iskāt eyledikde ol dahi mezbûr Osman’dan altı ayda yine mâl-ı şirketleri fâizinden iddi‘â eylediği üç yüz dört [159] guruş ve karzdan dahi üç yüz guruş ki cem‘an altı yüz dört guruş mutâlebesinden mezbûr Osman Ağa’nın zimmetini ibrâ ve iskāt ve fesh-i akd-i şirket edip husûs-ı mezkûrdan birbiri kıbelinde aslâ hakları kalmadığını ikrâr ve kat‘-ı nizâ‘ eyledikleri rızâlarıyla tescîl olunup bi’l-iltimâs huzûr-ı âlîlerine i‘lâm olundu. Fî 11 Rebî‘ülâhir sene [11]80.