İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 327 Hüküm no: 370 Orijinal metin no: [158-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed ve ortağı Osman’ın birbirleri aleyhindeki alacak davasında anlaşma sağlamaları İbrâ, Ma‘rûz, Sâhib-i arzuhâl es-Seyyid Ahmed meclis-i şer‘-i hatîrde şerîki arzuhâlde mezkûr Eminönü’nde manav Osman nâm kimesneden altı ayda mâl-ı şirketleri fâizinden edâ eylediği üç yüz dört guruş ve karzdan dahi üç yüz guruş ki cem‘an altı yüz dört guruş mütâlebesinde lede’l-mürâfa‘a ve’l-münâza‘a mezbûr Osman’ın zimmetini ibrâ-i âm ile ibrâ ve iskāt eyledikde mezbûr Osman dahi dokuz ayda yine mâl-ı şirketleri fâizinden mezbûr es-Seyyid Ahmed’den iddi‘â eylediği bin iki yüz guruşa müte‘allıka da‘vâdan mezbûr es-Seyyid Ahmed’in zimmetini kezâlik ibrâ ve iskāt ve her biri ibrâ-i kabûl ve husûs-ı mezkûrdan birbiri kıbelinde aslâ hakları bâkī kalmadığını ikrâr eyledikleri rızâlarıyla tescîl olunup bi’l-iltimâs huzûr-ı âlîlerine i‘lâm olundu. Fî 10 Rebî‘ülâhir sene 1180.