İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 345 Hüküm no: 396 Orijinal metin no: [169-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzu eti fiyatının tespiti Kuzuyu altı paraya narh Ma‘rûz, İşbu sene-i mübârekede lehü’l-hamd ve’l-minh Âsitâne-i aliyye’ye taşradan gelen kuzular sinîn-i sâbıkādan ezyed ve evfer olup ve letâfet-i havâ sebebiyle lahm ü şahm cihetinden dahi koyuna müsâvî olmağla geçen sene Rebî‘ülâhir’in on sekizinci ve Eylül’ün yirmi ikinci günü sâdır olan fermân-ı âlî misillü bu sene-i mübârekede dahi kuzu eti koyun eti gibi her vakiyesi on sekiz akçeye fürûht olunmak için emr-i âlîleri sâdır olmağla kasabbaşı ağa ve kasablar kethüdâsı ve ustaları ihzâr ve fermân-ı âlîleri üzere tenbîh olundukda cümlesi sem‘an ve tâ‘aten deyüp işbu Rebî‘ülâhir’in yirmi sekizinci ve Eylül’ün yirmi altıncı Cuma günü minvâl-i meşrûh üzere bey‘e mübâderet etdikleri huzûr-ı âlîlerine i‘lâm olundu. Fî 28 R sene [11]80.