İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 357 Hüküm no: 415 Orijinal metin no: [176-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci esnafının Odunkapısı ve Çöplük iskelelerinde hamallar için ayrılmış olan yere kereste koymamaları Odunkapısı İskelesi’nde vâki‘ meydana kereste vaz‘ olunmaya Ma‘rûz, Odunkapısı’nda vâki‘ keresteci esnâfından arzuhâl eden kethüdâları es-Seyyid Mehmed ve yiğitbaşıları es-Seyyid İbrahim ve ustalarından es-Seyyid Mehmed ve es-Seyyid Mustafa ve diğer es-Seyyid Mehmed ve es-Seyyid İsmail ve el-Hâc İbrahim ve el-Hâc Mustafa ve el-Hâc Ahmed ve el-Hâc Mehmed ve Osman Yazıcı ve Mehmed ve Halil ve Ali ile zimmî ustaları yeniçeri ağası tarafından mu‘ayyen ocak yazıcılarından İbrahim kulları ma‘rifetiyle dâ‘îhâneye ihzâr etdikleri Odunkapısı’nda ve Çöplük İskeleleri meydanında İznikmid ve sâir mahâllerden gelen keresteyi sefâin ashâbından iştirâ ve meydanda bey‘ eden arzuhâllerinde mezkûr Gürcü Ali b. İsmail ve Terzi Ali b. Abdullah ve Kahveci Hüseyin b. Hüseyin ve arka hamalı İbrahim b. Mehmed ve Osman b. Mustafa ve Abdullah b. Osman’dan esnâfımızdan Odunkapısı ve Çöplük İskelesi Meydanı hamal bargirlerinin mevkifleri olup taşradan gelen odun ve kereste ve sâir zehâir bargirlere tahmîl olunup ibâdullahın mesâlihi için mu‘ad ve terk olan mevâzi‘den iken merkūmûn İznikmid ve sâir mahâllerden [177] gelen keresteyi sefâin ashâbından iştirâ ve iskele meydanına vaz‘ etmeleriyle tazyîk ve işgāl ve aldıkları keresteyi ihtikâr edip marda ile ibâdullaha bey‘ ve bu makūlelerin mevzi‘-i merkūmu tazyîk ve işgāl etmemeleri için bundan akdem yetmiş iki senesinde hamallar ile murâfa‘a ve men‘ olunmaları için i‘lâm olunup ba‘dehû yetmiş beş senesinde tekrâr bizim ile murâfa‘a ve men‘leri için tuğrâ ile mu‘anven fermân-ı âlîşân i‘tâ olunup mahâll-i mezkûreden sefâin ile gelen keresteleri ashâbına ve sefînelerinde ibâdullaha bey‘ etmek üzere taht-ı nizâmla ifrâğ olunmuş iken mezbûrûn mütenebbih olmayıp zikr olunan meydanı yine işgāl ederler deyü takrîrlerine mutâbık târîh-i mezbûr ile müverrah bir kıt‘a i‘lâm ve tuğrâ ile mu‘anven fermân ibrâz etdiklerinde mezbûrûn dahi fî-mâ-ba‘d hilâf-ı fermân-ı âlîşân mesâlih-i ib‘âd için mu‘add olan meydanı kereste ile tazyîk ve işgāl etmemek üzere ta‘ahhüd ve bir dahi ederlerse te’dîben kal‘aya vaz‘ olunmağa râzı olmalarıyla husûs-ı mezkûr zâbıta-i kaviye rabt için ta‘ahhüdleri Başmuhâsebe’ye ba‘de’l-kayd izzetlü yeniçeri ağası tarafından mübâşir-i merkūm ma‘rifetiyle mahâll-i mezkûra dâimâ nezâret olunup mezbûrûn bir dahi bu misillü hareketde olup mesâlih-i ib‘âd için terk olunan mahâlli hilâf-ı şer‘-i şerîf ve muhâlif-i emr-i âlî işgāl ve tazyîk ederlerse ta‘ahhüdleri üzere kal‘aya vaz‘ olunmak bâbında tuğrâ ile mu‘anven fermân-ı âlîşân sudûrunu istid‘â eyledikleri iltimâslarıyla huzûr-ı âlîlerine i‘lâm olundu. Fî 6 Cumâdelûlâ sene 1180.