İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 361 Hüküm no: 420 Orijinal metin no: [179-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâtip Murad Mescidi’nin tamiri için mimar tarafından keşif yapılması Kâtib Murad Mescid-i şerîf muhâsebesi Ma‘rûz, Sâdır olan fermân-ı âlîlerine imtisâlen işbu derûn-ı i‘lâmda mezkûr Kâtib Murad Mescid-i şerîfi’nin muhtâc-ı ta‘mîr olan mahâllerini keşif nâibimiz müderrisîn-i kirâmdan es-Seyyid Halil Efendi hâssa mi‘mârlarından Abdullah ve es-Seyyid İsmail Halîfeler mütevellîsi ve sâir sukūf ahvâline vukūfu olan Müslimîn muvâcehelerinde yegân yegân misâha ve tahmîn ve takvîm eylediklerinde mi‘mâr ağa tarafından verilen mahtûm defter nâtık olduğu üzere masârıfı yalnız bin yüz yirmi dokuz guruş elli beş akçeye bâliğ olmağla defteri huzûr-ı âlîlerine irsâl olunduğu ber-mûceb-i fermân-ı âlî i‘lâm olundu. Fî 9 Ca sene [1]180.