İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 369 Hüküm no: 432 Orijinal metin no: [184-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Kostanti’ye olan borcunu ödemesi hususunda Çukadar Ali’ye tenbih olunması Mesfûr bakkāl verdiği zahîre bahasını taleb, 13,5 guruş Yenikapı’da bakkāl Kostanti nâm zimmî mahmiye-i İslambol’da meclis-i şer‘-i hatîrde Çukadâr Ali b. Mehmed’den verdiği yeni zahîre bahasından bâkī on üç buçuk guruş hakkını taleb ve da‘vâ etdikde ol dahi cevâbında cihet-i merkūmeden müdde‘î-i mesfûra ol mikdâr deyni olduğunu ikrâr u i‘tirâf edip lâkin tamâmen edâ etmekle zimmetim berî olmuşdur deyü eylediği def‘ini beyandan izhâr-ı acz ile istihlâf etmeğin müdde‘î-i mesfûr dahi half billâhillezî enzele’l-İncîle alâ-İsâ -aleyhi’s-selâm- etmekle meblağ-ı mezkûr on üç buçuk guruşun edâsıyla mezbûr Ali şirâen ilzâm olunduğu bi’l-iltimâs huzûr-ı âlîlerine i‘lâm olundu. Fî 20 Ca sene 1180.