İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 400 Hüküm no: 485 Orijinal metin no: [203-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koz v. Sagar’ın Tuğlacı Todori aleyhindeki tuğla bedelinden olan alacak iddiasında anlaşma sağlanması Ma‘rûz, Cibâli İskelesi’nde Tuğlacı Todori’nin hasmı Koz v. Sagar meclis-i şer‘-i hatîrde merkūm Todori’den i‘lâm-ı şer‘î mahkûmün-bih tuğla semeninden iddi‘â eylediği beş bin on altı guruşdan bâkī iki bin sekiz yüz kırk guruşu bâ-vesâtet-i muslihîn bin guruş üzerine sulh olup ve bin guruşu târîh-i i‘lâmdan otuz bir güne dek tecîl ve müddet-i mezkûre tamâmında edâsına dülger kalfalarından Yoseb v. Yamandi bi’l-emr ve’l-kabûl kefil ve zâmin olmağla ziyâde bin sekiz yüz kırk guruşa müte‘allıka âmme-i da‘vâdan merkūm Todori’nin zimmetini ibrâ ve iskāt eyledikde ol dahi ibrâsını kabûl ve zimmetinde cihât-ı şer‘iyyeden bir cihet ile hakkı olmadığını ikrâr ve kat‘-ı münâza‘a eyledikleri rızâlarıyla tescîl olunup bi’l-iltimâs huzûr-ı âlîlerine i‘lâm olundu. Fî 11 Cemâziyelâhire sene 1180.