İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 213 Hüküm no: 229 Orijinal metin no: [61a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cuma günü ve Kurban Bayramı’nın ilk gününü ilan etmek için cami ve mescitlerde kandil yakılması Ma‘rûz İşbu sene-i mübâreke-i meymenet iştimâlin Ramazân-ı Şerîfi gurresi yevm-i hamîsden bi’r-rü’ye sâbit olup lâkin gurre-i Şevvâli’l-mükerrem ve Zilka‘deti’ş-şerîfe ve Zilhicce adem-i rü’yete binâ’en tekmîl-i selâsîn i‘tibâr olunmak lâzım gelmeğin hâlâ Zilhicceti’ş-şerîfe gurresi tekmîl-i selâsîn i‘tibârıyla yevm-i Çarşamba’dan olmağla onuncu yevm-i Cum‘a îd-i edhâ ve ibtidâ’-i eyyâm-ı zebh-i kurbân olduğunu i‘lân ve beyân zımnında ber de’b-i devlet-i aliyye cevâmi‘ ve mesâcid minârâtı kanâdîl-i nûr-efşânla tezyîn olunmak bâbında selâtîn-i i‘zâm kayyımlarına tenbîhi hâvî emr-i âlî ısdârı re’y-i âlîlerine manûtdur olbâbda emr hazret-i veliyyü’l-emrindir.